Бразилиялик қария ЖЧ финал учрашувига 64 йиллик чипта билан киради
29.06.2014, 14:39
85 ёшли бразилиялик қария 64 йил аввал ҳарид қилинган финал чиптаси билан жорий йилнинг 13 июль куни “Маракана” стадионида бўлиб ўтадиган ЖЧ финал учрашувига киради.
Бразилия 1950 йили ЖЧни қабул қилган эди. Ўшанда Жоедир Белмонт финал учрашуви чиптасини қўлга киритган бахтли футбол мухлисларидан бири бўлган. Аммо, у онасининг бетоблиги сабабли уйда қолган ва финал учрашувини ўтказиб юборган эди.
Ушбу воқеани у ФИФА раҳбариятига йўллаган хатига киритди. Шунингдек, Белмонт чиптани федерация музейига топширишни таклиф қилди. Бу ҳақда “ИТАР-ТАСС” агентлиги хабар бермоқда.
Бу воқеа эса ташкилот вакилларини бефарқ қолдирмади. Улар жума куни 1950 йилги финал чиптасини жорий йилги финалнинг 3 та чиптасига алмаштириб беришди.
64 йил аввалги финалда Бразилия Уругвай терма жамоасига имкониятни бой берганди. Белмонт бу йили унинг севимли Бразилия терма жамоаси ғалаба қозонишидан умид қилмоқда.
8 SENTIYABR KUNI 16.30 DA SAYRAM
KISHLOGIDA,VILOYAT UZBEK DRAMA TEATIRIDA
DAHO GRUHINING YAKKAHON KANSERTI!!!!
